Kreu i Partisë Republikane, Fatmir Mediu nëpërmjet një statusi në Facebook, ka thënë se 85% e shqiptarëve nuk e duan Ramën dhe ky është një moment përgjegjësie për opozitën që ti përgjigjet zërit europian të shqiptarëve
Mediu thekson se rruga e vetme për të dalë nga kriza janë zgjedhjet parlamentare të parakohshme.
Reagimi i plotë i Fatmir Mediut
Shqiptarët sot i thanë jo marrëzisë, krimit dhe korrupsionit të Edi Ramës.
Ky ishte referendumi i shqiptarëve kundër Edi Ramës.
Në mënyrë plebishitare 85% e shqiptarëve refuzuan të keqen, shkatërrimin e pluralizmit, refuzuan talljen dhe përbuzjen e Edi Ramës.
Ky është një moment përgjegjësie dhe reflektimi për opozitën, për t’ju përgjigjur zërit Europian të shqiptarëve.
Nuk mund të jenë në krye të bashkive, kukullat e Edi Ramës, ata që morën pjesë në farsën zgjedhore të PS dhe u refuzuan masivisht nga shqiptarët.
Zgjedhjet e parakohshme parlamentare dhe lokale, zgjedhje të lira dhe të ndershme, është tashmë rruga e vetme për të dalë nga kriza ku është përfshirë Shqipëria.
