Gazeta italiane “Corriere della Sera” i ka kushtuar një shkrim, rastit më të fundit në Shqipëri ku një punonjës në një dyqan celularësh mbeti i plagosur si pasojë e një shpërthimi pasi dyshohej se po montonte një bombë në celular.
Një shpërthim aksidental “zgjon” alarmin se ekziston mundësua që qindra dyqane të tilla të jenë të lidhura me organizata mafioze në Itali dhe transportojnë bomba me celularë për krime të ndryshme.
I dëmtuari me tritol mëngjesin e së hënës, u arrestua të marten e 13 marsit në spital nga Policia e Tiranës me akuzën e prodhimit dhe shitjes së lëndëve plasëse. Në servisin e 34-vjeçarit Gentian Hoxha u gjetën 3 detonatorë dhe 2 kapsolla ende të pashpërthyera.
“Gentian Hoxha ka humbur të dyja duart, është në një prognozë të rezervuar por ende gjallë. Oficerët e policisë qëndrojnë në dhomën e spitalit në Tiranë, duke pritur marrjen në pyetje, por mbi të gjitha për të parandaluar që të eliminohet për të marrë sekretet në varr.
Në pamje të parë një qytetar 35-vjeçar anonim, të martën në orën 9:50, Hoxha mbylli derën e dyqanit e tij të riparimit të celularëve, u zhvendos në laboratorin e vogël dhe filloi të merrej me një telefon celular që shpërtheu gabimisht. Hoxha po përgatiste një bombë me celular.
Dyqani është dy blloqe larg nga ambasada amerikane në kryeqytetin shqiptar. Por, për të hetuar këtë rast, që nuk është aspak një rast i izoluar, ne duhet ta zmadhojmë kuadrin; të spostohemi, megjithëse jo shumë, dhe mbërrijmë në Puglia dhe në luftën e mafies (masakra e fundit më 9 gusht, katër të vdekur të vrarë në Foggia).
Një kamion ishte ndaluar një muaj më parë në kufirin me Malin e Zi. Fshehur në bord ishin tre nga këto bomba, të destinuara për në Itali pas kalimit të detit. Mekanizmi i bombave-celularë është i thjeshtë dhe vdekjeprurës: gjysmë kilogram TNT lidhet me telefonin celular dhe pakoja e vendosur nën makinën e objektivit; duke telefonuar numrin e atij telefoni celular, aktivizohet një sensor që shkakton bombën.
Në muajt e fundit, nga Tirana deri në jug dhe në Vlorë, me qindra dyqane të riparimit të telefonisë celulare janë ngritur. Disa nga pronarët janë të lidhur drejtpërdrejt me xhamitë.
Kjo mund të jetë vetëm një rastësi, por hetuesit nuk besojnë: ekziston një dyshim i fortë se së bashku me “drejtorin” e klaneve të Pulias, ka xhihadistë.”, shkruan “Corriere della Sera”/a.ç
