Përmes disa rreshtave, media serbe Blic i ka kushtuar një shkrim Kryeministrit Edi Rama, duke e akuzuar për dyfytyrësi. Blic shkruan se Rama flet për një komb, Kosovë e Shqipëri, dhe këtë media serbe e quan një gisht në sy të Serbisë dhe Europës. Por teksa një gisht në sy të Serbisë, është një frazë mëse e kuptueshme, mbetet e paqartë se përse është për Europën…
Nga ana tjetër, shton gazeta serbe, në takimet që bëhen me figurat e rëndësisshme politike në BE, Rama, ndryshe nga një person që të fut gishtat në sy… tregohet dashamirës dhe përshëndet Kryeministrin Vuçiç me përzemërsi.
Për më tepër mund të lexoni për “dyfytyrësinë” e Kryeministrit shkrimin e plotë.
Shkrimi i Blic
Ithtar i Shqipërisë së Madhe, mik i sinqertë i Serbisë, Europeist i pasionuar… Cili është, në të vërtetë, Kryeministri i Shqipërisë, Edi Rama?
Në fillim të qershorit, Rama kishte deklaruar në Prishtinë: “Shqipëria dhe Kosova janë një vend, një popull dhe një ëndërr e përbashkët”.
Është e qartë se këto fjalë ia kishte dedikuar publikut vendor, sidoqoftë ato ishin futje e gishtit në sy të Serbisë dhe Europës..
Qindra kilometra më larg, në ndonjërën prej kryeqendrave europiane, Ramës nuk do t’i shkonte ndërmend të thoshte diçka të tillë.
Në Bruksel, Berlin ose Paris, në vend të tregimit për Shqipërinë e Madhe ai e përmend bashkimin vetëm nën ombrellën e BE-së.
Rama provokoi edhe pas ndeshjes se futbpllit mes Shqipërisë dhe Serbisë dhe dronit të famshëm mbi stadium.
“Nuk e di pse serbët hidhërohen për shkak të dronit. Ne nuk do të hidhëroheshim”.
Mirëpo, para dy ditësh në Konferencën për Ballkanin në Paris, ai e përshëndeti kolegun e tij Aleksandar Vuçic me dashamirësi shumë më të madhe seç e lejon praktika diplomatike.
Shtrëngim i gjatë i duarve, përqafim, deklarata për bashkëpunimin mes dy vendeve, oferta që ndërtimtarët serbë të marrin pjesë në ndërtimin e objekteve në bregdetin shqiptar, forcimi i linjës ajrore Tiranë-Beograd, etj.
Kjo është fytyra tjetër e Ramës – e pranueshme për Serbinë dhe bashkësinë ndërkombëtare.
Por, cila është e vërteta?/java/a.k
