Nuk është habi, që shpejt turqit të merren me Shqipërinë. Recep Tayyip Erdogan ka nisur gjuetinë e tradhtarëve në Kosovë e Shqipëri, shkruan e përditshmja e madhe greke “Kathimierini”.
“Presidenti turk e ka nisur tashmë valën e presionit ndaj qeverive të Ballkanit për arrestimin dhe dorëzimin e personave të afërt me armikun e tij Fethullah Gylen, por edhe gazetarëve që guxojnë ta kritikojnë.
Çmontimi i këtij rrjeti terrorist, siç e quan Erdogan, shtrihet kryesisht në Shqipëri, Maqedoni, Kosovë dhe Bosnjë Hercegovinë, vende me shumicë myslimane.
Lideri turk ka dorëzuar listat e shërbimeve inteligjente me të gjithë emrat e të akuzuarve, të cilët janë persona edhe në nivelet më të larta qeverisëse të vendit, përfshirë ministra”, shkruan “Kathimerini”, duke cituar edhe notën verbale të ambasadës turke në Prishtinë për rastin e gazetarit Berat Buzhala.
Por ata sqarojnë se ministria e Jashtme e Kosovës e ka hedhur poshtë si të papranueshme kërkesën e ambasadës turke, përfundon “Kathimerini”. (b.an)
