Fatos Malaj, kandidat shqiptar i PASOK tha në një intervistë për Euronews Albania se synon të jetë zëri i shqiptarëve në parlamentin grek.
Malaj u shpreh se është hera e dytë që kandidon për PASOK, pasi siç theksoi është e vetmja parti në Greqi që ka bërë më shumë për të drejtat e emigrantëve.
“Është hera e dytë që garoj me PASOK, jam anëtar prej 20 vitesh sepse është e vetmja parti që ka përkrahur emigrantët dhe u jep të drejtën e votës në pjesën organizative, zgjidhet dhe zgjedh. Është e vetmja forcë politike që iu dha të drejtën në 2010 emigrantëve për të votuar për zgjedhjet lokale pa pasur nënshtetësinë greke, është kjo forcë që në 2010 u dha të drejtën emigrantëve të brezit të dytë që të përfitojnë shtetësinë greke.
Është kjo forcë që iu dha të drejtën e lëvizjes së lirë emigrantëve në 2010. Ndaj kërkoj votën e votuesve shqiptarë që janë pajisur me nënshtetësi greke që të jem zëri i tyre parlamentin grek”, tha Malaj./m.j
