Me precedentë penalë për vepra të rënda, zbardhet e shkuara e errët e një prej shqiptarëve të ekzekutuar në atentatin e Athinës

Të dhëna të reja janë zbuluar nga e shkuara e errët e Kreshnik Çerçizaj, një prej shqiptarëve të ekzekutuar në atentatin e së dielës në Athinë.

Çerçizaj mësohet se është arrestuar disa herë nga policia greke, për vepra të ndryshme kriminale si grabitje, kultivim droge apo trafik klandestinësh.

Ndërkohë që edhe 44-vjeçari Armando Ogranaja, personi tjetër i mbetur i vrarë në atentat, ka 4 precedentë penal në Greqi por jo për vepra të rënda kriminale.

Skeda kriminale e Kreshnik Çerçizaj:

1. 1. Arrestuar në 2008 për “Vjedhje” dhe “Shkelje të ligjit mbi emigrantët” në bashkëpunim me një shtetas tjetër.
   2. Akuzuar në 2012 në bazë të shenjave të gishtërinjve së bashku me dy shtetas të tjerë të paidentifikuar, për grabitje në Janine ku morën një sasi të madhe të hollash.
   3. Arrestuar në janar 2013 në Kalithea, Athinë, me urdhër arresti nga autoritetet shqiptare për “Dhënie ndihmë për kalim të paligjshëm të kufirit në bashkëpunim me pasojë vdekje”.
   4. Ne korrik 2016 është arrestuar në Korinth për “kultivim bimësh narkotike” dhe ishte me masë “detyrim paraqitje” dhe “ndalim dalje jashtë shtetit”.

/e.d