Moderatorja simpatike, Luana Vjollca mbush sot 29 vjeç.
Dhe këtë ditëlindje, ajo e ka pritur në shtëpinë e saj, ku është surprizuar pas orë 12, me lule, tullumbaca dhe një tortë mjaft të veçantë që tregon moderatoren të rrethuar nga kameramanë e fotografë.
Këto momente ajo i ka ndarë përmes disa fotove në Instagram.
“29 vjetori festohet me pizhama e pa grim 😛 JU DU”, shkruan Luana.
Ajo duket e veshur me pizhama ngjyrë gri dhe në një moment me to zbret me ashensor e pyet: “e gjeni dot ku po shkoj?”.
Me siguri ndonjë tjetër surprizë për të!
Një ndër të parat që e ka uruar Luanën ishte motra e saj Marina, e cila është një vit më e madhe.
Duke publikuar një fotografi të Luanës, Marina shkruan, “Gëzuar ditëlindjen jetë! Zoti të bekoftë! Nuk e imagjinoj dot jetën pa ty! Të dua pafund”.
E përkëdhelur nga ky urim, Luana ia kthen në koment, “Faleminderit gjysma ime e përjetshme”.
