Kryeministri Edi Rama ndodhet në Athinë, ku merr pjesë në panairin e punës, si një ftese për të gjithë emigrantët që të kthehen në Atdhe.
Kreu i qeverisë bashkëbisedoi me të gjitha kompanitë të cilat ofrojnë punë në vendin tonë, ndërsa deklaroi se tashmë kanë bindjen se Shqipëria i ka pagat më të mira sesa në Greqi.
Po ashtu Rama ftoi të gjithë emigrantët që të kthehen në Shqipëri, pasi sipas tij edhe taksat janë më të ulëta.
Kreu i qeverisë propozoi që të zhvillohen dy panaire në vit, ndërsa deklaroi se shumë shpejt do të bëhet edhe panairi i punës në Itali.
“Ideja është që të kemi një panair të pranverës, një panair të vjeshtës në Greqi dhe pastaj në Itali. Tani që ne kemi bindjen se me pagat jemi më mirë se këtu, jemi këtu. Besoj se për 1.5-2 vite do jemi si Italia”, tha nder të tjera Rama gjatë bisedave me përfaqësues të kompanive.
