Gjykata e Posaçme kundër Krimit dhe Korrupsionit (GJKKO) ka lënë fuqi masën e sigurisë “arrest me burg” për ish-kryebashkiakun e Lushnjës, Fatos Tushe, i cili u arrestua për korrupsion me tenderat.
Pas një seance maratonë, të nisur prej orëve të para të mëngjesit, GJKKO ka vendosur të lërë në burg Tushen dhe zyrtarët e tjerë të arrestuar të Bashkisë Lushnjë.
Më herët,Tushe deklaroi se është shumë sëmurë dhe kërkoi që të ndryshohej masa e sigurisë për të. Ai pretendoi se është sëmurë dhe se qëndrimi pas hekurave i rrezikon jetën.
“Kërkoj ndryshimin e masës së sigurisë pasi nuk ka dyshime të arsyeshme dhe për shkak të gjendjes shëndetësore shumë të rënduar që kam,”- u shpreh Tushe.
/b.h
