Dy të rinj, S.K. 29 vjeç dhe E.Gj. 19 vjeçe, u ndaluan nga policia në Kavajë pasi qarkullonin me automjet jashtë orarit të lejuar. Ishte ora 02:40 kur atyre iu bë shenjë nga policia për të ndaluar. Por, 29-vjeçari në drejtimin e mjetit nuk iu bind urdhrit dhe u largua.
Më pas ai u shkëmbye me pasagjeren 19-vjeçare duke ndërruar vendin dhe i deklaruan policisë se makinën e drejtonte vajza. Por nga verifikimet rezultoi se të dy nuk kishin leje drejtimi për automjetin.
Gjatë kontrollit të automjetit uniformat blu gjetën edhe lënde të dyshuar narkotike kokainë me peshë 6.5 gramë dhe sende të tjera që shërbejnë për përdorimin e lëndës narkotike.
Të rinjtë u arrestuan dhe akuzohen për prodhim dhe shitje e narkotikëve, drejtim i automjetit në mënyrë të parregullt dhe mosbindje ndaj urdhrit të punonjësit të policisë.
/a.r
