Një vit burg ka marrë një shqiptar 30-vjeçar pasi ngacmoi seksualisht një minoren në një qendër tregtare. Ngjarja ka ndodhur më 5 Gusht 2021 në Perugia të Italisë, ditë ku u arrestua shqiptari.
Policia ishte njoftuar nga një prind, pasi këtij të fundit i kishte shkuar në shtëpi djali dhe i kishte treguar çfarë kishte ndodhur. I mituri kishte shkuar në qendër tregtare për të blerë disa gjëra, por kishte vërejtur se po ndiqej nga një person. Një person i kishte ngulur dhe i shikonte lëvizjet.
Pasi kishte mbaruar blerjet, ai ishte larguar drejt skuterit të tij dhe pa pasur mundësinë që të vinte kokoren ishte sulmuar nga shqiptari.
Vetëm falë një mashtrimi ai mundi të shpërqendronte burrin, të ndizte motorin dhe të shpëtonte. Agjentët e policisë kishin shkuar në qendrën tregtare dhe kishin rënë menjëherë në gjurmë të autorit, i cili ndodhej në qendrën tregtare me dy fëmijët e mitur dhe kunatin e tij.
Agjentët morën gjithashtu imazhe nga kamerat e sigurisë duke rindërtuar skemën e ndjekjes dhe agresionit ndaj viktimës. Shqiptari u gjykua me procedurë të shkurtuar dhe ka marrë një dënim minimal, krahasuar me 4 vjetët që kishte kërkuar nga prokuroria.
/a.r
