Një 24-vjeçar është vënë në prangat e policisë së Krujës për shkak se akuzohet se nën kërcënimin e dy pistoletave ka vjedhur xhiron ditore të një lokali në këtë qytet.
Sipas policisë i riu, A.K gjatë momentit të arrestimit është kapur me dy pistoleta të mbushura me fishekë, ndërsa grabitjen e ka kryer më 19 janar, ku së bashku me një tjetër kanë kërcënuar me armë kamarierin e një lokali në Krujë duke i marrë një shumë prej 20 mijë lekësh.
Tashmë A. K., 24 vjeç, banues në fshatin Kroj Madh të Njësisë Administrative Cudhi, Krujë do të përballet me akuzat për kryerjen e veprave penale “Vjedhja me dhunë”, kryer në bashkëpunim dhe “Mbajtja pa leje e armëve dhe municionit luftarak”. Ndërkohë është shpallur në kërkim edhe bashkëautori tjetër i ngjarjes. /e.s/
