Drejtoria vendore e Policisë në Elbasan, në bashkëpunim me Bashkinë e qytetit ka marrë një sërë masash organizative në drejtim të sigurimit të rendit dhe qetësisë, për zhvillimin sa më normal të aktivitetit ndërkombëtar, Kampionatit Ballkanik të Çiklizmit.
Në këtë aktivitet ndërkombëtar do të marrin pjesë 12 ekipe kombëtare të Ballkanit si: Shqipëria, Bosnjë-Hercegovina, Maqedonia, Mali i Zi, Serbia, Turqia, Qipro, Greqia dhe Kosova.
Më 2 korrik, në orën 17:00, do të zhvillohet gara “Kronometër individ”.
Policia e Elbasanit thotë se në orën 16:00 – 18:00 të datës 02.06.2016 do të merren masa që të gjitha kryqëzimet dhe degëzimet e rrugëve të bllokohen dhe nuk do të lejohet lëvizja, qarkullimi apo parkimi i mjeteve në këto akse rrugore:
Bulevardi Aqif Pasha- Stadium – Rruga “Kamber Sejdini”- Bulevardi “Qemal Stafa”- Rrethrrotullimi i Postës-Rrethrrotullimi i Luleve-Bradashesh-Papërr
Ndërkaq me 3 korrik do të zhvillohet Gara e Rezistencës. Policia informon qytetarët se në orën 09:00 – 12 00 nuk do të lejohet lëvizja, qarkullimi apo parkimi i mjeteve në këto akse rrugore:
Bulevardi “Aqif Pasha”- Stadium- Rruga “Kamber Sejdini”-Bulevardi “Qemal Stafa”- Rrethrrotullimi i Luleve-Bradashesh-Peqin (qytet)- Karinë.
Bradashesh-Krrabë(rruga e vjetër)-Tunel-Krrabë(rruga e vjetër) – Tunel –Stadium- Bulevardi “Aqif Pasha”
Drejtoria Policisë Elbasan i kërkon qytetarëve që të minimizojnë në datat 2 dhe 3 Qershor lëvizjet e tyre me automjet në Elbasan, ç’ka do të sillte një ndihmesë të madhe në zhvillimin sa më normal të këtij aktiviteti, referon Koha. (b.an)
