Pas aktit normativ ku lokalet e club-et e natës nuk duhet ta zhvillojnë aktividtetin e tyre ndryshe do të gjobiten, pronarët po zhvillojnë një protestë para Kryeministrisë që ky vendim të hiqet.
Pronarë, artistë, DJ e muzikantë janë mbledhur para Kryeministrisë kundër këtij vendimi që prek direkt buxhetin e tyre, pasi përmes muzikës ata përfitojnë të ardhurat e tyre ekonomike.
Ky vendim erdhi pas mosrespektimit të asnjë mase në ambientet e mbyllura të party-ve të zhvilluar në lokalet e natës dhe rritjes së madhe të shifrave të të prekurve me COVID në vend.
Protestuesit janë mbledhur kundër rregullave anti-covid, të cilat nuk lejojnë grumbullime. Policia ka krijuar një kordon para kryeministrisë për të penguar protestuesit dhe për t’i shpërndarë ata. Ndërkohë 5 prej tyre janë shoqëruar nga ana e policisë për protestën e zhvilluar.
/e.rr
