Komisioni Qendror i Zgjedhjeve ka shpallur rezultatin zyrtar për zgjedhjet e 25 Qershorit. Në mbledhjen e sotme, KQZ miratoi tabelat përmbledhëse dhe miratoi shpërndarjen e mandateve në bazë të qarqeve.
Tabelat me rezultatin përfundimtar u miratuan me unanimitet nga KQZ 7 me 0.
Ndërkohë, përfaqësuesi i PD në KQZ deklaroi se zgjedhjet ishin të paligjshme pasi kishte blerje masive vote, por gjithsesi për anëtarët e opozitës në KQZ votuan pro rezultatit dhe madje e vlerësuan administrimin e procesit.
Vlen për tu theksuar fakti se ky proces, si asnjëherë më parë u mbyll pa asnjë ankesë në Kolegjin Zgjedhor. Ndërkohë në KQZ kishte vetëm 4 ankesa, një numër shumë i vogël krahasuar me gjithë proceset e tjera./a.m.
