E pabesueshme por e vërtetë! Koreja e Jugut ka mposhtur 2-0 Gjermaninë duke i lënë në vend të fundit të Grupit F.
Megjithëse ishin gjermanët ata që u munduan gjatë gjithë lojës për të shënuar një gol që do t’i kualifikonte, në minutat e fundit dëshpërimi po rritej dhe si pasojë koreanët i kanë ndëshkuar me dy gola.
Gjermania dominoi lojën që nga minuta e parë por rastet për të shënuar janë të pakët për shkak se koreanët mbrohen me tetë lojtarë shumë thellë në gjysmëfushën e tyre.
Një detyrë e vështirë për lojtarët e rinj në moshë të Gjermanisë teksa Muller dhe Gomez qëndrojnë në stol.
Rastet më të mira për të shënuar i ka Koreja e Jugut, sidomos pas pushimit kur kampionët në fuqi dolën përpara në kërkim të golit të fitores.
Por koreanët, të cilët mbrojnë shumë mirë, janë të pasaktë përpara portës por gjithsesi arrijnë të fitojnë në fund të takimit me golin e Yong-Gwon dhe me Son.
/b.d
