Suedia ka fituar me rezultatin 3-0 ndaj Meksikës, duke kaluar në raundin me eliminim direkt të Botërorit “Rusi 2018”, ashtu si edhe Meksika që përfitoi nga humbja surprizë e Gjermanisë ndaj Koresë së Jugut me rezultatin 2-0.
Augustinsson, Granqvist (11-metërsh) dhe autogoli i Alvarezit i dhanë fitoren nordikëve dhe biletën për 1/8 e finaleve.
Suedia e mbyll kështu grupin në vendin e parë me 6 pikë, Meksika e dyta po 6, ndërsa Koreja e Jugut lë pas edhe Gjermaninë në grupin F.
***
Janë publikuar formacionet zyrtare të ndeshjes së fundit të Grupit F mes Meksikës dhe Suedisë.
Ndeshja fillon në ora 16:00. Ndeshja është vendimtare për të dyja skuadrat për ta siguruar kalimin në fazën tjetër.
Meksikës i duhet vetëm një pikë për të kaluar më tej, ndërsa Suedisë i duhet fitorja dhe dështimi i Gjermanisë në ndeshjen me Korenë e Jugut. /a.m.
/a.m.
