Kuvendi ka vendosur të fusë në Kalendarin e punimeve të Kuvendit draftin e reformës në drejtësi, e cila mbështetet nga SHBA dhe BE, ndërsa opozita është kundër ndryshe nga mazhoranca që është pro.
Sipas portalit Skandal.al Kuvendi ka njoftuar për mbajtjen nesër para fillimit të seancës plenare, të mbledhjes së Konferencës së Kryetarëve e cila duhet të miratojë kalendarin tre javor të punimeve të Kuvendit.
Ndryshimet në Kushtetutë hyjnë automatikisht nga nesër në kalendarin e punimeve të Kuvendit, është plotësuar afati i parashikuar për këtë qëllim nga dita e depozitimit.
Kuvendi ka propozuar që diskutimi dhe votimi i ndryshimeve në Kushtetutë, të mbahen në daten 21 korrik. Por Skandal.al, siç kishte paralajmeruar, mësoi sot se Kuvendi nuk heq dorë nga vendimi për të nisur diskutimin nga e para, gjithnjë para se të shkohet në seancë plenare, të ndryshimeve në Kushtetutë.
Kuvendi ka parashikuar që, ndryshimet në Kushtetutë të shqyrtohen dhe miratohen nga e para, në një mbledhje të përbashket të Komisionit të Ligjeve dhe Këshillit të Legjislacionit.
Në fakt, më herët, Kuvendi kishte vendosur që të gjitha atributet edhe të kësaj mbledhjeje, t’ia kalonte Komisionit të Posaçëm që u ngrit me këtë vendim.
Skandal.al disponon vendimin me numer 96/2014 te Kuvendit, “Për krijimin e komisionit të posaçëm parlamentar për reformën në sistemin e drejtësisë”. Në këtë vendim, posaçërisht në piken dy të tij, Kuvendi ka vendosur që: Komisioni i Posaçëm ka për objekt të veprimtarisë së tij:
“Propozimin për miratimim të një pakete të plotë projektligjesh të nevojshme për reformimin e legjislacionit qe rregullon organizimin dhe funksionimin e institucioneve te sistemit te drejtesisë, përfshirë ato kushtetuese, e hartuar me kontributin dhe mbështetjen e institucioneve të sistemit të drejtësisë, ekspertëve vendas dhe ndërkombëtarë, subjekteve të tjera të interesuara dhe opinionit publik.
Dhe të gjitha pikat pasuese në këtë vendim përcaktojnë konturet e punës së këtij komisioni deri në miratimin e plotë të ndryshimeve kushtetuese./a.m.
