Ekspertët nga Rusia, Turqia, Irani dhe Kombet e Bashkuara kanë mbajtur një takim teknik në kryeqytetin e Kazakistanit, Astana, për të diskutuar zbatimin e marrëveshjes për armëpushim në Siri, njofton Ministria e Jashtme e Kazakistanit.
Palët nuk kanë nënshkruar ndonjë marrëveshje, por agjencitë e lajmeve të Rusisë, TASS dhe Interfax, e kanë cituar një negociator rus duke thënë se ata do të takohen përsëri këtë muaj dhe ka mundësi që të nënshkruajnë një marrëveshje për rregullimin e punës së një task force të përbashkët, transmeton Express.
Kazakistani, i cili është mikpritëse e takimeve, ka thënë sot se agjenda e së hënës përfshinë rishikimin e zbatimit të armëpushimit dhe diskutimit të një propozimi nga opozita e armatosur siriane rreth armëpushimit.
Palët e fajësojnë njëra-tjetrën për shkelje të marrëveshjes së armëpushimit qëkur ai u fut në fuqi në fund të dhjetorit. (b.an)
