I mbijetuari nga atentati i bandës së Admir Tafitit ka treguar nga salla e gjyqit momente nga sulmi që iu bë më 5 shtator të vitit 2014 në Shkozë. Edmond Çakmashi ka dëshmuar përball Tafitit, ndërsa theksoi se ajo nuk e njihte Admirin por se e kishte dëgjuar vetëm si emër. Ndër të tjera ai pohoi se ishte në makinë gjatë kohës që iu bë atentati në momentin kur i ishte afruar një djalë 25 vjeç. Çakmashi theksoi se nuk kujtonte më asgjë nga ai moment.
“Isha në makinë kur mu afrua një djalë 25 vjeç. Pas këtij momenti s’mbaj mend asgjë. Admir Tafilin se njoh, e kisha dëgjuar si emër”, tha ai. Ndërkohë, edhe prokuroria pohon se Çakmashit iu bë atentat nga grupi i Tafilit, i cili akuzohet për një sërë veprash penale.
Burime për ‘BalkanWeb’ bënë me dije se atentatin ndaj Edmond Çakmashit e kreu krupi kriminal i vrasësve me pagesë, Isuf Uzini, Kristi Pine dhe Alfred Qefalia, të cilët i drejtonte nga burgu Admir Tafili. Nga ky atentat ky i fundit ka mbetur i plagosur. “Më datë 04. 09. 2014 me porosi të shtetasit Ardian Isuf Uzini, shtetasit Kristi Pine dhe Alfred Qefalia kanë tentuar të vrasin me armë zjarrin shtetasin Edmond Cakmashi”,- sqaron policia.
Edmond Çakmashi aktualisht është i arrestuar pasi më 17 tetor kërcënoi me jetë vëllain e tij, Roland Çakmashin. Shërbimet e Komisariatit të Policisë Nr 1, arritën të parandalonin në kohë krimin në familje, falë telefonatës së Rolandit se “po më vret vëllai” ku denonconte dhunën e të Edmondit dhe kërcënimin me armë nga ky i fundit.
BW/d.i.
