Ish-presidenti amerikan Donald Trump do të dalë para trupës gjyqësore më 4 mars 2024 në Uashington, DC në lidhje me akuzat për përpjekje për të përmbysur rezultatin e zgjedhjeve presidenciale të vitit 2020.
“Publiku ka të drejtë për një zgjidhje të shpejtë dhe efikase të kësaj çështjeje”, tha gjykatësja federale Tanya Chatkan pasi shpalli vendimin e saj.
Më herët, Chatkan kishte paralajmëruar avokatët e Trump se nuk do të kishin kohën që kërkuan për t’u përgatitur.
Asaj iu kërkua të gjente një kompromis midis dy propozimeve shumë të ndryshme: Prokurori i Posaçëm Jack Smith donte që gjyqi të fillonte në Uashington më 2 janar dhe të zgjaste jo më shumë se katër deri në gjashtë javë. Në vend të kësaj, avokatët e Trump kanë kërkuar një gjyq në prill 2026, shumë muaj pas zgjedhjeve presidenciale të nëntorit 2024, me arsyetimin se atyre u duhet shumë kohë për të studiuar provat që ka mbledhur qeveria.
Trump i ka hedhur poshtë të 4 akuzat penale kundër tij, duke pretenduar se janë përpjekje të motivuara politikisht për ta penguar kthimin e tij në pushtet.
Ish-presidenti gjithashtu pretendon, pa dhënë asnjë provë, se Chatkan është e njëanshëm ndaj tij.
“Liria dhe jeta e këtij njeriu janë në rrezik dhe ai ka të drejtë për përfaqësim adekuat. Ne nuk mund ta bëjmë këtë brenda afatit kohor të caktuar nga qeveria,” pohoi ai.
Prokurorët thanë se i kanë dorëzuar mbrojtjes 12.8 milionë prova.
Ndërkohë, në kontenë Fulton, Xhorxhia, Trump dhe 18 të pandehur janë akuzuar për pjesëmarrje në një skemë shantazhi që synon përmbysjen e rezultateve zgjedhore të shtetit në vitin 2020.
77-vjeçarit iu bë fotografia e tij të enjten, e para historike për një ish-president të SHBA-së dhe u arrestua si i burgosuri “P01135809” pasi iu paraqitën 13 akuza në burgun e Qarkut Fulton.
Trump postoi gjithashtu në X, dikur Twitter, për herë të parë që nga viti 2021, duke ndarë fotografinë e tij. Ishte hera e parë që Trump përdori platformën e mediave sociale që kur pronari Elon Musk hoqi ndalimin ndaj ish-presidentit./m.j
