E gjithë Policia e Shtetit ka kaluar në gatishmëri për zgjedhjet parlamentare të 25 Prillit. Zëvendësdrejtori i Përgjithshëm i Policisë së Shtetit, Albert Dervishaj, ka deklaruar se nga dita e nesërme trupa policore do të kalojë në shërbim të përforcuar.
Përgjatë fushatës elektorale, deri më datë 22 Prill ishin angazhuar për mbarëvajtjen e ruatjes dhe sigurisë 8049 punonjës policie.
Sa i përket krimeve zgjedhore, Dervishaj theksoi se deri më tani janë referuar në Prokurori dhe po hetohen 30 vepra penale që lidhen me zgjedhjet dhe 6 njoftime që kanë të bëjnë me të njëjtën vepër penale.
/a.r
