Shtetet e Bashkuara kanë tejkaluar 118.300 vdekje dhe 2.187 milionë infeksione të shkaktuara nga koronavirusi. Vetëm në një ditë u raportuan 28.430 infeksione dhe 671 vdekje.
COVID-19 po përhapet me shpejtësi edhe në Indi. Shqetësuese është situata edhe në Meksikë ku numri i viktimave në këtë shtet ka shkuar në 19,747. Vetëm në 24 orët e fundit në këtë shtet janë shënuar 667 viktima. Gjithashtu edhe Brazili është në gjendje shumë të rënduar, pasi shifrat janë shumë të larta për çdo ditë. Deri më tani numërohen 47,869 mijë viktima.
Ndërkohë Kina ka raportuar se në 24 orët e fundit në vend janë raportuar 32 raste të reja infeksioni nga koronavirusi, nga të cilat vetëm në Pekin ka patur 25, pas shpërthimit të një vatre të re në tregun kryesor të kryeqytetit .
Pekini ka zbatuar masa të jashtëzakonshme dhe po teston punonjësit e restoranteve, universiteteve dhe tregjeve.
Kreu i Qendrës Kineze për Kontrollin dhe Parandalimin e Sëmundjeve, Wu Zunyou, siguroi se epidemia “është nën kontroll” falë masave të marra për ta përmbajtur atë dhe se “kurba gradualisht do të rrafshohet”.
g.kosovari
