Zhvillimet e fundit në Lindjen e Mesme kanë nxitur opozitën në Kuvend të kërkojë një seancë dëgjimore me kryeministrin Edi Rama. Deputetët e Partisë Demokratike në Komisionin për Çështjet Europiane dhe Politikën e Jashtme kanë kërkuar mbledhje urgjente në një kërkesë që i drejtohet kryetarit të komisionit, Igli Hasani. Deputetët propozojnë që më 9 mars 2026 të zhvillohet një seancë ku Rama të informojë mbi situatën dhe masat që janë marrë nga qeveria.
Kërkesa e plotë e deputetëve të Partisë Demokratike drejtuar Komisionit për Çështjet Europiane dhe Politikën e Jashtme
“Ne, një grup deputetësh, anëtarë të Komisionit për Çështjet Europiane dhe Politikën e Jashtme, kemi ndjekur me shqetësim zhvillimet e fundit në Lindjen e Mesme dhe përshkallëzimin e sulmeve në rajon. Duke pasur parasysh zhvillimet e shpejta dhe të paparashikueshme në atë zonë dhe mundësinë e një përshkallëzimi të mëtejshëm të situatës, në mbështetje të nenit 32, pika 2 dhe nenit 36, pika 1 të Rregullores së Kuvendit, kërkojmë mbledhjen e Komisionit për Çështjet Europiane dhe Politikën e Jashtme në një seancë dëgjimore me Kryeministrin Edi Rama më datë 9 mars 2026. Qëllimi i kësaj seance është informimi mbi masat e marra për sigurinë e jetës së shtetasve shqiptarë që jetojnë në zonat e rrezikuara, si dhe mbi vlerësimin e rrezikut që mund t’i kanoset vendit tonë dhe nivelin e bashkëpunimit me aleatët përballë këtyre rrethanave”, thuhet në kërkesë.
Aspak seriozë PD.
Kjo është një aresye si “m’ka çu nana me la gojën”, medemek për mos të lënë qeverinë rehat, por këta duken karagjozë e lapanjozë dhe qeveria megjithë këto “aksidente” del gjithënjë e vleresuar nga populli.
Të gjejnë arësye të tjera, që janë me shumicë, si ngritja e çmimit të bukës, apo e karburanteve, apo të tejzgjatjes së punimeve në rrugë, apo për policë me këpucë bojë kafe, apo policë që shkojnë në kafe me makina policie me sinjale alarmi ndezur, për onkologjikun që zgjaten punimet, apo për mësuesot që nuk dinë të shkruajnë e lexojnë MIRË gjuhën shqipe, etj, etj, etj.
Mos qoftë një opozitë si kjo.
U shoftë fara e kësajë lloj opozite.