Parlamenti ka nisur menjëherë me diskutimet për projekligjin e mbetjeve urbane dhe ka qenë kreu i grupit parlamentar Edi paloka, ai që ka kërkuar praninë e Kryeministrit Edi Rama në kuvend. Paloka ka kërkuar në emër të opozitës një qëndrim zyrtar të Kryeministrit Rama.
“Kam vetëm një kërkesë, të jetë i pranishëm por jo vetëm, të na mbajë një qëndrim Kryeministri i Kuvendit, për këtë ligj që po diskutojmë. Pikërisht për rëndësinë që ka ky prligj. Unë do doja të dija, se cili është sot qëndrimi i kryeministrit sot për këtë projekligj.”- tha Paloka.
Bare: Ligji i ri i mbetjeve nuk lejon hyrjen e lëndëve të rrezikshme, riciklim pa ndotje
Kuvendi ka nisur shqyrtimin e ligjit për importin e mbetjeve, një projekt ky mjaft i debatuar dhe i kundërshtuar fort nga shoqëria civile. Deputeti i Partisë Socialiste Besnik Bare ka dhënë disa argumenta pse sipas tij ky ligj duhet miratuar. Sipas Bares, ligji i ri nuk lejon hyrjen e mbetjeve të rrezikshme dhe sipas tij, do të futen lëndë për riciklim por që nuk do digjen.
Ky ligj vjen në një atmosferë mjaft të ndjeshme ku opinioni kërkon të dijë arsyen e miratimit të ndryshimeve. Për më tepër kur ka qenë pozita e sotme, kur 3 vjet më parë vendosëm të mos importonim mbetjet. Në vitin 2013 kemi një VKM ku përcaktohen vetëm 25 zëra që lejohen të importohen mbetjet për qëllime riciklimi. Në vitn 2013 ne i ndaluam. Çfarë ka ndryshuar në raport me 2013-ën. Konteksti ligjor sot, cfarë sjell ligji i ri. Ligji ka ndryshime substanciale. Shfuqizohet neni që linte të hapur importin për qëllime djegieje të mbetjeve. Procesi i kontrollit kryhet në jo më shumë se 3 pika doganore që kanë kapacitete për monitorimin e mbetjeve. Lista prej 25 rrymash ëq u miratua në vitin 2013 kufizohet edhe më tej. Në atë listë ishte edhe plumbi, ai ëhstë i rrezikshëm, ka elemntë toksik dhe përjashtohet nga kjo listë. Por jo vetëm ky, do ketë edhe ëprbërës të tjerë që nuk procesohen në Shqipëri. Lista nuk do jetë as 25 por do jetë shumë e vogël. Penalitetet janë shumë të ashpra në ligjin e ri, ka edhe një nen për transparencë.
***
Jashtë parlamentit protestohet, përplasje mes policisë dhe tubuesëve, kërkojnë të fusin një kazan plehrash në kuvend
Policia është përplasur me protestuesit, të cilët kanë tentuar të sjellin pranë hyrjes së Parlamentit, një kazan mbeturinash.
Kufiri i vendosur prej policisë ka mbajtur larg një numër protestuesish të cilët janë konfrontuar me efektivët e rendit.
***
Ligji për Importin e Mbetjeve është pjesë e axhendës parlamentare të së enjtes. Me gjithë kundërshtitë e ashpra dhe kritikat, ligji u çua në seancë plenare. Ndërkohë, shqoëria civile, ashtu siç kishte parlajmëruar ka startuar protestat kundër këtij ligji. Qindra protestues u grumbulluan para Parlamentit para nisjes së seancës plenare. Ata kërkojnë mosmiratimin e këtij ligji.
Ambjentalisti Lavdosh Ferruni deklaroi gjatë protestës se asnjë shqiptar nuk e do këtë ligj. Ai kërkoi reflektim nga ana e ligjvënësve.
“Është dita t’i japim shansin deputetëve të reflektojnë. Nëse s’ka reflektim do përballen me uraganin qytetar. Asnjë qytetar shqiptar nuk i do plehrat”, tha Lavdosh Ferruni. Shoqëria civile ka paralajmëruar se nuk do të ndal protestat për të kundërshtuar ligjin e mbetjeve./a.m.
