Kevin Muharremi, 25 vjeç, u vra me tre plumba më 14 shkurt në Itali. Autor i dyshuar i ngjarjes, është bashkatdhetari Renato Xyke, 20-vjeç, i cili është arrestuar.
Mediat italiane kanë publikuar detaje të reja në lidhje me ngjarjen e rëndë.
Sipas hetimeve paraprake, debati mes të rinjve dyshohet se ka nisur për shkak të një dëmtimi të lehtë në një makinë, që u përshkallëzua me përdorimin e armës së zjarrit disa orë më vonë.
Kevin Muharremi u godit nga tre plumba teksa ndodhej në sediljen e pasagjerit. Plumbat e kapën në qafë dhe fatkeqësisht i riu ,e origjinë shqiptare nuk mundi të mbijetone.
I dyshuari Renato Xyke, po ashtu me origjinë shqiptare, dyshohet se ka qëlluar disa herë drejt automjetit nga një Range Rover.
Autoritetet po analizojnë dëshmitë, pamjet e kamerave të sigurisë dhe telefonat celularë të personave të përfshirë për të zbardhur motivin dhe dinamikën e ngjarjes.
Hetimet vijojnë për të sqaruar rolin e personave të tjerë të pranishëm dhe për të përcaktuar nëse takimi në Montecalvoli ishte i rastësishëm apo i organizuar për të zgjidhur konfliktin.
