Shoqëria civile vijon protestën e saj kundër ligjit për importin e mbetjeve. Ata janë grumbulluar prej mbrëmjes së djeshme ndërsa theksojnë se protestat do të përshkallëzohen deri në tërheqjen e draftit. Ndërkohë, kryetari i Komisionit të Veprimtarive Prodhuese Eduard Shalsi dha një deklaratë për mediat në lidhje me këtë çështje. Referuar zërave se LSI nuk do ta votojë Draftin, Shalsi i pyetur nga gazetarët nuk dha një përjgigje konkrete nëse mazhoranca i ka votat.
“Unë nuk e di se si e merrni informaiconin dhe kujt burimeve u refereoheni. Ajo që unë di është që të gjitha këto dyshime që kanë ekzistuar, dhe dyshimi i fundit ishte se mos ishin kundër legjislacionit të BE. Sot unë nuk di të ketë mbetur ndonjë argument i qenësishëm për ta ndryshuar.
Unë mund t’ju them me bindje që kundrejt çdo skeptiku kemi qenë të hapur dhe kemi reflektuar ndaj draftit fillestar”, tha Shalsi.
Më tej ai dha edhe një mesazh për protestuesit dhe forcat politike në parlament që kundërshtojnë draftin. Shalsi tha se intrigantët në parlament dhe ata që kanë mbetur rrugëve kundërshtojnë për interesa personale.
“Ajo që jemi përpjekur është të flasim me argumenta. Dhe fakti qe refelktuam në propozimet fillelstare, propozime, sugjerime, treguam se interesi ishte vetëm ai i pastrimit të Shqipërisë. Ndihem i keqardhur se ata pak që kanë mbetur nëpër rrugë, e ata intrigantë e spekulantë në Parlament nisen nga përfitimet e tyre të ngushta personale. I’u drejtuam BE-së sepse një nga argumentat kryesorë të kthimit mbprapsht nga presidenti ishte se ligji ishte në kudndërshtim me legjislacionin e BE. Ndërkohë përgjigja ishte e pastër, thuhej që ndryshimet ishin të mirëadoptuara dhe të përshtatshme për rrethanat ku ndodhet Shqipëria”, tha më tej Shalsi./a.m.
