Pas 59 orësh që prej nisjes së zjarrit në magazinën e qendrës tregtare pranë mbikalimit të Kamzës, është gjetur trupi i pajetë i 32 vjeçarit Arjan Sala.
Ai kishte hyrë në katin e nëndheshëm për të shpëtuar punonjësit dhe për të ndihmuar të shuante flakët.
Trupi i pajetë është gjetur rreth orës 03:00 të mëngjesit dhe është identifikuar nga xhaxhai i tij.
Më pas trupi është dërguar në morg dhe pas ekspertizës mjeko ligjore do të dërgohet pranë familjes për t’I dhënë lamtumirën. Familjarët kanë thënë se nuk ka shumë plagë nga zjarri
Njoftimi i policise: Tek “Casa Italia” si rezultat i kërkimeve intensive, të pandëprera, nga zjarrëfiksit dhe shërbimet e Policisë, mëngjesin e sotëm zjarrëfiksit bënë të mundur gjetjen e trupit të pajetë që dyshohet se i përket shtetasit Arjan Sala, 32 vjeç, i cili ishte me detyrë punonjës i shërbimit të sigurisë të një kompanie private.
Grupi hetimor vijon punën për sqarimin e plotë e rrethanave të ngjarjes.
g.kosovari
