Drejtori i Qendrës Shëndetësore në Klos të Mirditës u arrestua nga policia pasi ju gjet një pistoletë pa leje. 45-vjeçari Gjon Lleshi me banim në Mirditë, u vu në pranga pasi gjatë një kontrolli efektivët e policisë i gjetën një pistoletë tip Ecol Special 99 dhe 4 fishekë
Njoftimi i Policisë së Shtetit:
Mbante armë zjarri pa leje arrestohet nga policia
Sekuestrohet arma pistoletë tip Ecol Special 99
Efektivët e Komisariatit të Policisë Mirditë në bashkëpunim me të Drejtorisë Vendore Lezhë , mbi bazën e informacioneve të siguruara në rrugë operative, me datë 30.12.2015 kanë arrestuar në flagrancë shtetasin :
Gjon Lleshi , 45 vjeç, banues në Mirditë, me detyrë Drejtor i Qendrës Shëndetësore Klos Mirditë.
Pasi gjatë kontrollit të ushtruar iu gjet dhe iu sekuestrua në cilësinë e provës materiale një armë zjarri pistoletë tip Ecol Special 99 dhe 4 fishekë të kalibrit 9mm.
Materialet proceduriale i kaluan Prokurorisë së Rrethit Gjyqësor Lezhë për vepren penale Prodhimi dhe mbajtja pa leje e armëve luftarake dhe municionit parashikuar nga neni 278/4 i Kodit Penal.
