Amerikanët po rebelohen ndaj Donald Trump. Miliona njerëz kanë dalë në sheshet dhe rrugët kryesore të shumë qyteteve në Shtetet e Bashkuara për të kundërshtuar ato që po konsiderohen politika të dëmshme dhe diktatoriale të Presidentit Trump dhe të krahut të tij të djathtë Elon Musk, që drejton Departamentin për Efiçencë Qeveritare.
“Kemi frikë për demokracinë tonë”, u shpreh një pjesëmarrëse në tubimin e mbajtur në Karolinën e Jugut.
“Gjëja më e keqe është se ai tashmë po flet për të mos u larguar pas këtij mandati dhe për të bërë dhe një mandat të tretë dhe kjo është e frikshme për mua”, shton më tej protestuesja.
“Hands Off”, në shqip “Mbaji Duart Larg”, është slogani i protestës më të madhe kundër Trump dhe Musk në SHBA që kur republikani u kthye në Shtëpinë e Bardhë. Mbi 1200 demonstrata u organizuan në 50 shtetet amerikane. Protestat prekën qytete të ndryshme nga Nju Jorku në Boston, nga San Francisko në Portland. Por epiqendra ishte Uashingtoni, ku mijëra njerëz u mblodhën në Qendrën Kombëtare nën Monumentin e Uashingtonit, pak metra nga Shtëpia e Bardhë.
“Zgjohu dhe nuhat grushtin e shtetit”, “Trump luan golf ndërsa SHBA digjet”, “A nuk jeni të tarifuar?” ishin disa nga parullat e mbajtura nga protestuesit. Shumë paralajmërojnë të “mbahen duart larg” demokracisë, kujdesit shëndetësor dhe gjithçkaje që ka përfunduar në syrin e Trump dhe Musk, të paraqitur në tabela si dy nazistë.
Mund te kete remunje ne amerike .ai mund te japi dorheqje