Nënat e pengjeve izraelitë që mbahen nga Hamasi në Gaza marshuan në qendër të Tel Avivit të premten duke kërkuar që ata të kthehen menjëherë.
Kryeministri izraelit Benjamin Netanyahu është përballur me reagime të kundërta nga familjet e pengjeve për dështimin për t’u përkushtuar ndaj një propozimi për armëpushim të paraqitur nga Shtetet e Bashkuara, i cili do të sillte lirimin e atyre që mbeten në Gaza.
Qeveria izraelite thotë se gjithsej 120 persona mbahen atje, pasi përfshin edhe katër persona që u morën peng në 2014 dhe 2015.
Sylvia Cunio, e cila është nëna e pengjeve David dhe Ariel Cunio, foli në protestë.
“Unë ju bëj thirrje zotit Benjamin Netanyahu, zoti kryeministër, marrëveshja është këtu, është e arritshme. Të lutem, zemra e nënave tona nuk duron, zemra jonë është në Gaza, na kthe zemrën. Dërgo grupin negociator me një udhëzim, mos u kthe pa marrëveshje, se mjaft, mjaftojnë nëntë muaj. Kthejini në shtëpi, tani, tani, tani, të gjithë tani, “tha ajo.
Protesta pason demonstrata të ngjashme në fillim të kësaj jave, me tre autostrada kryesore të bllokuara të enjten në mëngjes ndërsa protestuesit kërkuan një zgjedhje qeveritare dhe një marrëveshje për lirimin e pengjeve.
