Maxhoranca e ka humbur për të disatën herë kuorumin e 84 votave në Parlament.
Projektligjet që janë diskutuar gjatë ditës së djeshme kanë kaluar me shumicë të thjeshtë prej 71 votash.
Gjatë votimit të projektligjeve, opozita ka arritur të bëjë oponencë me maxhorancën me vetëm 2 vota.
Gjatë votimit të djeshëm ra në sy përplasja e aleatëve PS-LSI për të votuar apo jo projektligjin për një shtesë në ligjin “Për nëpunësin civil” të propozuar nga deputetët Ruli, Shalsi e Bitri.
Kreu i Grupit të PSsë, Ruçi, kërkoi që të rrëzohej kërkesa e deputetëve të maxhorancës dhe opozitës për një sistem të ri pagash për punonjësit e Entit Rregullator Energjetik, ndërkohë që LSI kërkoi që projektligji të shtyhej edhe për shkak të pamundësisë së maxhorancës për të bërë kuorumin e 84 votave.
