• Kontakt
  • Kreu
  • Rreth Nesh
Saturday, November 14, 2026
  • Login
Javanews
  • Politikë
  • Kronikë
  • Ekonomi
  • Bota
  • Sport
  • Kulturë
  • Opinion
  • Tendencë
  • Të tjera
    • Media në Tranzicion
    • Kosova
    • Editorial
    • Kuriozitete
    • Teknologji
    • Sociale
    • Horoskopi
    • Dossier
    • Shëndetesi
No Result
View All Result
Javanews
Home Kryesoret

Matura Shtetërore 2017, rregullorja e Ministrisë së Arsimit si duhet plotësuar formulari A1

by Java News
02/02/2017 08:38
Shperndaj ne FacebookShperndaj ne Twitter

Zbardhet rregullorja e Maturës Shtetërore 2017, mbi bazën e së cilës do të bëhen aplikimet e kandidatëve të sivjetmë për në universitet. Në dokumentin e nënshkruar dy ditë më parë nga ministrja e Arsimit, Lindita Nikolla, nënvizohet e gjithë procedura që do t’i nënshtrohen maturantët e rinj e të vjetër me udhëzimet e afatet e aplikimeve deri te zhvillimi i provimeve përfundimtare, bashkë me rregullat e penalizimet për nxënës e administratorët që devijojnë nga procesi.

APLIKIMI PËR PROVIMET

Sipas nenit 13 të rregullores, (pasqyruar në tabelën përbri), më 11 mars maturantët do të kenë në dorë formularin A1 e bashkë me të edhe tre udhëzues: atë për plotësimin e formularit në portalin qeveritar “e-albania”, udhëzuesin e plotësimit online të bazës së të dhënave në portalin e Maturës Shtetërore, si dhe një tjetër për portalin “Maturanti”, që do të jetë risia e këtij viti. Në formularin A1, maturantët do të caktojnë dy lëndët që do t’i japin si provime me zgjedhje në muajin qershor.

Sakaq, plotësimi i tij do të nisë në datën 15 deri në fundin e muajit mars në portalin qeveritar “e-albania”. Ende pa përfunduar ky proces, më 25 mars do të nisë aplikimi në portalin tjetër, atë të Maturës Shtetërore, që zgjat deri në datën 10 prill. Maturantë nga qytete të ndryshme do të mund të aplikojnë sipas një kalendari datash të caktuara më herët nga Agjencia Kombëtare e Provimeve.

Plotësimi i formularit A1, ashtu si vjet, këshillohet të kryhet në shkolla, ndonëse mund të bëhet në çdo mjedis ku ka internet. Në rast të gabimeve gjatë aplikimit, që e penalizon një maturant në vijimin e garës, atij i jepet një shans i dytë për korrigjim deri në datën 30 prill 2017, pasi të dhënat të jenë afishuar në shkolla.

LËNDËT ME ZGJEDHJE

Sipas udhëzimit nr.26, datë 29.12.2016 të Ministrisë së Arsimit, maturantët kandidatë për të kryer studimet e larta duhet të japin medoemos tre provimet me detyrim: Gjuhë shqipe dhe Letërsi, Matematikë dhe Gjuhë e Huaj, dhe dy të tjera, të cilat maturantët i pasqyrojnë në formularin A1/A1Z.

Nga lista me 21 lëndë në dispozicion për maturantët e gjimnazeve të përgjithshme dhe 26 për ata të shkollave profesionale, maturantët duhet të zgjedhin dy prej tyre. Kushti primar është që shuma e krediteve të jetë tetë, ndërsa me rëndësi është zgjedhja e lëndëve që i çojnë ata në degën që dëshirojnë të studiojnë. Ekspertët e arsimit në këshillat e tyre për maturantët në rrjetet sociale u sugjerojnë të zgjedhin lëndët ku ata ndihen më të përgatitur dhe ku mendojnë se mund të marrin vlerësimin më të lartë të mundshëm.

“Mos rriskoni duke zgjedhur lëndët e thelluara (të avancuara) Zgjidhni si lëndë me zgjedhje ato që ju e dini që arrini rezultat maksimal. Kujdes bëni vetëm për Fakultetin e Shkencave Sociale, i cili vlerëson me 10% një nga lëndët e rekomanduara”, nënvizon Fatmir Vejsiu, ish-drejtor i Arsimit Parauniversitar në Ministrinë e Arsimit. Përpara plotësimit të formularit, rekomandohet këshillimi me kriteret që kanë vendosur universitetet.

APLIKIMI PËR PROVIMET

Neni 13
Miratimi dhe publikimi i formularëve A1 dhe A1Z
1. MAS-i deri në datë 10 mars 2017 miraton formularët A1 dhe A1Z, si dhe udhëzuesit përkatës.
2. Deri më 11 mars 2017, në portalin e MAS-it dhe në faqen zyrtare të AKP-së shpallen:
a) Formularët A1 dhe A1Z.
b) Udhëzuesi i plotësimit online të formularit A1/A1Z nga maturanti/kandidati në portalin qeveritar “e-albania”, si dhe në vijim në portalin matura shtetërore.
c) Udhëzuesi i plotësimit online të bazës së të dhënave nga KSHMSH-ja në portalin matura shtetërore.
d) Udhëzuesi i plotësimit të bazës së të dhënave nga Komisioni Shtetëror i Maturës shtetërore (KSHMSH) në portalin maturanti.
3. Maturanti bën aplikimin online fillimisht në portalin qeveritar “e-albania” në periudhën 15-30 mars 2017 dhe më pas në portalin matura shtetërore 2017, në periudhën 25 mars-10 prill 2017, sipas një plani kalendar të publikuar nga AKP-ja.
4. Në periudhën 11-20 prill 2017, Komisioni shtetëror i Maturës Shtetërore dhe Komisioni i Maturës plotësojnë online bazën e të dhënave me fushat përkatëse, sipas udhëzimit të dërguar nga AKP-ja.
5. KSHMSH, deri më 21 prill 2017, një kopje të bazës së të dhënave, të shkarkuar nga portali i maturës shtetërore e afishon në shkollë dhe pret vërejtjet e maturantëve/kandidatëve për korrigjime të mundshme në bazën e të dhënave të regjistruara në portalin matura shtetërore. Brenda datës 30 prill 2017 bën verifikimet dhe korrigjimet përkatëse në sistem.

ma.me

Next Post
Kryebashkiaku Veliaj: Në pranverë rikthejmë kreditë e buta për strehim

Kryebashkiaku Veliaj: Në pranverë rikthejmë kreditë e buta për strehim

Leave a Reply Cancel reply

Your email address will not be published. Required fields are marked *

TË FUNDIT

Liga e Kombeve/ Alarm në Kombëtare, Ernest Muçi në dyshim për sfidën me Bjellorusinë

Liga e Kombeve/ Alarm në Kombëtare, Ernest Muçi në dyshim për sfidën me Bjellorusinë

November 14, 2026
Përplasen dy makina pranë tunelit të Murrizit, humbin jetën dy persona, 5 të tjerë dërgohen në spital

EMRI/ Aksident i rëndë në Fushë-Krujë, makina përplas me vdekje këmbësorin!

November 14, 2026
FOTOLAJM/ Berisha humb ‘luftën’ online me Ramën! Kryeministri me rreth 28 herë më shumë shikues live në Facebook!

FOTOLAJM/ Berisha humb ‘luftën’ online me Ramën! Kryeministri me rreth 28 herë më shumë shikues live në Facebook!

November 14, 2026
Zelensky: SHBA ka propozuar që Ukraina të dorëzojë Donbasin për anëtarësim në NATO

Zelensky: SHBA ka propozuar që Ukraina të dorëzojë Donbasin për anëtarësim në NATO

November 14, 2026
“Më 12 qershor përfundojnë zgjedhjet në PS”, Klosi: Shtrijmë strukturat në diasporë, fokus Britania, SHBA dhe Gjermania

Pse u tërhoqët nga votimi për Spiropalin? Klosi: Jam këtu për pjesën publike, Manastirliu qëndron në Tiranë

November 14, 2026
“Veliaj i ka duart e lidhura”, çfarë tha Rama për përjashtimet sot në Asamblenë socialiste

Asambleja e PS mbyllet pa vendim për Spiropalin dhe Ndrecën! Manastirliu mbetet në Tiranë, përforcohet me Demon dhe Koçiun

November 14, 2026
Ndryshon projekti i hekurudhës Tiranë-Rinas-Durrës, treni zhvendoset 500 metra larg aeroportit

Ndryshon projekti i hekurudhës Tiranë-Rinas-Durrës, treni zhvendoset 500 metra larg aeroportit

November 14, 2026
Tragjedi në Greqi: Shembja e një ndërtese gjatë shuarjes së zjarrit i merr jetën dy zjarrfikësve, plagoset një tjetër

Tragjedi në Greqi: Shembja e një ndërtese gjatë shuarjes së zjarrit i merr jetën dy zjarrfikësve, plagoset një tjetër

November 14, 2026
Mbi 100 mijë njerëz në rrugë, tjetër ditë proteste në Francë kundër kostos së lartë të jetesës

Mbi 100 mijë njerëz në rrugë, tjetër ditë proteste në Francë kundër kostos së lartë të jetesës

November 14, 2026
Shkëlzeni i lidhur me biznesmenin që do të ndërtojë kullën te Pallati i Kongreseve? Si përgjigjet Berisha

Shkëlzeni i lidhur me biznesmenin që do të ndërtojë kullën te Pallati i Kongreseve? Si përgjigjet Berisha

November 14, 2026
  • Adresa: Rruga “Mihal Popi”, Pallatet 1 Maji, Shkalla 26, Apartamenti 5, Tiranë
  • Email: javanews.al@gmail.com
  • Kontakt
  • Kreu
  • Rreth Nesh

© 2025 JAVA NEWS - Të drejtat mbi përmbajtjen mbrohen sipas etikës profesionale dhe ligjeve të Republikës së Shqipërisë.

No Result
View All Result
  • Politikë
  • Kronikë
  • Ekonomi
  • Bota
  • Sport
  • Kulturë
  • Opinion
  • Tendencë
  • Të tjera
    • Media në Tranzicion
    • Kosova
    • Editorial
    • Kuriozitete
    • Teknologji
    • Sociale
    • Horoskopi
    • Dossier
    • Shëndetesi

© 2025 JAVA NEWS - Të drejtat mbi përmbajtjen mbrohen sipas etikës profesionale dhe ligjeve të Republikës së Shqipërisë.

Welcome Back!

Login to your account below

Forgotten Password?

Retrieve your password

Please enter your username or email address to reset your password.

Log In