Gjykata e Apelit në Tiranë la në fuqi vendimin e shkallës së Parë për shtetasin nga Kina, Liangbin Chen duke e lënë në “arrest shtëpie”.
Liangbin Chen u arrestua në muajin korrik në aeroportin e Rinasit. Ai është në kërkim nga autoritetet kineze për mashtrim me pasoja të rënda.
Vlera e mashtrimit për të cilën kerkohet nga autoritetet kineze shkon në 140 milionë euro.
Disa ditë më parë, me argumentin se për shkak të gjendjes së tij shëndetësore i rrezikohet jeta në qeli, Gjykata i ka lehtësuar masën Liangbin Chen. Në raport thuhej se gjendja e tij shëndetësore nuk mund të kurohet në qeli nga mjekësia ligjore. Ndërkaq, autoritetet kineze kanë përcjellë dosjen Interpol Tirana duke kërkuar ekstradimin e tij.
Arrestimi i 32-vjeçarit Liangbin Chen erdhi më 21 korrik në aeroportin e Rinasit. Ai kishte ardhur nga Dubai për t’u strehuar në arrati në vendin tonë.
Kinezi akuzohet si kreu i bandës e cila ka patur selinë në qytetin Huzhou në Kinë dhe që ka kryer mashtrime në platformat online për ambiente me qira, shitje kompjuterash dhe telefonash në Dubani, Kinë dhe Emiratete Bashkuara Arabe.
Në Shqipëri, gjykata ka vendosur tij masën e sigurisë “Arrest në burg” derisa autoritet kineze të sjellin dosjen e ekstradimit ku janë ngritur akuza për mashtrim kompjuterik me pasoja të rënda që kapin vlerën deri në 1 miliard yen kinez ose 140 mln euro.
/f.s
