Larg Mariupolit dhe luftimeve në lindje, së fundmi ka një zhvillim nga Bucha, afër kryeqytetit Kiev. Kryetari i bashkisë së qytetit thotë se detyra për mbledhjen dhe zhvarrosjen e trupave të njerëzve të vrarë gjatë një okupimi nga ushtarët rusë është pothuajse e përfunduar.
Akuzat për krime lufte ruse provokuan zemërim global në fillim të këtij muaji. Moska i mohoi ato, shkruan BBC, përcjell abcnews.al.
Kryebashkiaku Anatoliy Fedoruk tha se 412 trupa ishin gjetur deri më tani, shumë prej tyre në një varr masiv.
“Midis tyre ishin trupat e djegur të civilëve dhe të atyre që ishin torturuar dhe pushkatuar”, tha ai.
Autoritetet në Chernihiv, një qytet tjetër verior, i thanë më herët BBC se më shumë se 700 civilë ishin vrarë gjatë një okupimi nga trupat ruse. /m.j
