Detaje të tjera kanë dalë nga vrasja e një 50-vjeçareje shqiptare në Peristeri të Athinës, dhe plagosjen e rëndë të bashkëshortit të saj.
Sipas medias greke “Protothema”, dyshimet më të forta janë në një grabitje të mundshme të familjes.
Autorët e vrasjes janë shqiptare dhe dyshohet se ishin tre persona. Deshmitarët thonë se ata kanë dëgjuar të thirrej në shqip “Lekët, lekët shpejt!”, kur tre të rinjtë shqiptarë kanë mësyrë në shtëpinë e shqiptares, brenda së cilës ishin edhe vajza me djalin e saj.
Sipas Policisë, tre autorët kishin informata se familja kishte kursime në shtëpi, rreth 9 mijë euro. Dyshimet janë se grabitësit kanë dashur të marrin paratë.
Ata kanë mundur të marrin vetëm portofolin e bashkëshortit të viktimës, pasi në një moment kanë nisur të qëllojnë me armë.
Fillimisht është dyshuar për një larje hesapesh, por dyshimet e mëdha janë te grabitja shkruan Panorama. Policia thotë se ka të ngjarë që tre të rinjtë të njiheshin me viktimën dhe kjo e fundit mund të ketë identifikuar njërin prej tyre dhe ata kanë qëlluar duke e vrarë.
Po kështu, është publikuar edhe fotoja e bashkëshortit, që është në gjendje të rëndë me pak shpresa për jetën. Ai punonte si ndërtues dhe nuk dyshohet si person me lidhje kriminale./a.m.
