Motra e atij që së bashku me gruan vranë 14 vetë në masakrën e Kalifornisë nuk ka fjalë të përshkruajë atë që ndjen. Në një intervistë për MSNBC ajo e quan makth të tmerrshëm atë që pa dhe dëgjoi në lajme dhe nuk e beson dot se shkak ishte vëllai i saj, njeriu me të cilin ishte rritur dhe për të cilin nuk kishte dyshuar kurrë.
Saira Khan tha se kur ajo pa transmetimin e parë live dhe arriti të diktonte vëllanë e saj Syed Farook, 28 vjec dhe gruan e tij, 27-vjeçare Tashfeen Malik, si armatosurit e dyshuar, mendoi se pa personin e gabuar.
“Im vëlla nuk ishte ai që pashë me armë, nuk e besoja dot kurrë se mund të bënte diçka të tillë. Vëllai im ishte njeri i urtë, punëtori me të cilin u rrita, jetuam e u martua, nuk kisha dyshuar kurrë se mund të ishte i përfshirë dhe i aftë të bënte diçka të tillë” tha ajo.
Sa për gruan Farook, ajo tregon se nuk di shumë. “Gruaja e tij ishte këtu vetëm kohët e fundit. Ajo ishte këtu vetëm për dy vjet, “tha Khan, duke shtuar “Në të vërtetë nuk dimë shumë për të”. Ajo thotë gjithashtu se po bëjnë procedurat për të marrë në kujdestari fëmijën jetimë që la çifti i masakrës.
