Martesa është mirë për shëndetin
Jeta e lirë, moderniteti, kushtet e ndryshme etj., po ndikojnë gjithnjë e më shumë që martesa të shihet me mëdyshje nga këndvështrimi i beqarëve. Por ka ardhur momenti që të qartësohen!
Martesa do t’ju bëjë mirë për shëndetin dhe ky i fundit është më i rëndësishmi.
Martesa duket sikur nuk është më shumë në modë. Përkundër këtij legjislacioni që shpesh nuk jep të drejta të barabarta, numri i çifteve që preferojnë bashkëjetesën është në rritje graduale, por të qëndrueshme, me motive të ndryshme, duke filluar nga mundësitë ekonomike.
Megjithatë ekziston një motiv për të cilin të rinjtë, që duan të ndërtojnë një familje, duhet të martohen: martesa bën mirë për shëndetin.
Ana e kundërt e medaljes për sa i takon aspektit estetik të kësaj çështjeje: të martuarit, që kanë një qetësi të madhe dhe siguri rreth stabilitetit të raportit të tyre, kanë tendencë të shëndoshen dhe të vuajnë më shumë shenjat e kohës që kalon. Vetëm ata, martesa e të cilëve është në krizë, ose ata që janë në fazën e ndarjes kanë tendencë që të përkujdesen më shumë për veten, duke pasur parasysh nevojën dhe dëshirën për të hyrë sërish në lojë.
Ndjenja e stabilitetit, e arritur falë saj, tenton të rezultojë në siguri, paqe dhe lumturi, pra me efekte pozitive mbi shëndetin. Është e provuar shkencërisht që meshkujt beqarë janë më pak të shëndetshëm se sa ata që janë të martuar, sepse kushtet e jetës i kanë më të ndërlikuara, qoftë praktikisht, qoftë psikologjikish.
Të rimartuarit kanë 12 për qind më shumë probleme kronike të shëndetit krahasuar me ata që janë martuar vetëm një herë. Diskutimi nuk vlen vetëm për heteroseksualët, por edhe për çiftet e të njëjtit seks, edhe pse për ta rruga drejt martesës është shumë më e vështirë.
Kështu që, ideale për shëndetin tonë është që të martohemi, vetëm një herë. Bëni kujdes të gjeni personin e duhur, me të cilin/cilën do të ndani një jetë të tërë.
Ja disa nga këshillat për një martesë të përsosur:
1) Gjeni kohë për të bërë dashuri
2) Përshëndeteni gjithmonë me gëzim partnerin/partneren tuaj
3) Mbani gjallë romanticizmin, edhe pse janë fëmijët;
4) Flisni mbi çështjet që kanë të bëjnë me ekonominë
5) Qëndroni larg zemërimit
