Një motoçiklist ka filmuar momentin e pabesushëm teksa ecte me motor dhe dikush zgjati dorën nga një makinë për ta rrëzuar. Ngjarja ka ndodhur në Angli.
Motori dhe makina BMW ecnin në drejtime të kundërt dhe teksa afroheshin përballë, makina u zhvendos në drejtim të motorit, edhe pse nuk kishte makina në anën tjetër që t’i zinin rrugën. Në momentin e shkëmbimit shoferi nxori dorën nga dritarja për ta shtyrë.
Veprimi është filmuar nga kamera mbi kaskën e motoçiklisit. Videoja ka pasur shumë shikime në Facebook dhe komentuesit i sugjerojnë motoçiklistit ta denoncojë shoferin e BMW-së, të habitur nga veprimi krejtësht i pakuptimtë.
