Ish-i dërguari i SHBA-së për dialogun Kosovë-Serbi, Richard Grenell, ka komentuar marrëveshjen e arritur mes Kosovës dhe Serbisë për çështjen e dokumenteve.
Grenell përmes një shkrimi në rrjetin social shkruan se kryeministri i Kosovës, Albin Kurti i tha ‘po’ marrëveshjes për të cilën ish-kryeministri Hashim Thaçi kishte rënë dakord vite më parë. Grenell shton se uron që Kurti të fillojë t’i zbatojë edhe marrëveshjet e mëparshme.
“Kështu që@albinkurti ka rënë dakord për diçka që @HashimThaciRKS ka rënë dakord vite më parë… Letërnjoftimet nga të dyja palët edhe një herë pranohen – por kësaj radhe Kurti thotë po. Ai po arrin – le të shpresojmë se do të fillojë të zbatojë edhe marrëveshjet e tjera të mëparshme,”- shkroi Grenell.
Më herët, përfaqësuesi i Lartë i BE-së për Politikë të Jashtme, Josep Borrell ka bërë të ditur se Kosova dhe Serbia kanë arritur marrëveshje për dokumentet identifikuese. Serbia ka vendosur të pranojë dokumentet, duke hequr pengesat për lëvizje të lirë për qytetarët e Kosovës.
So @albinkurti has agreed to what @HashimThaciRKS agreed to years ago…
IDs on both sides are once again accepted – but this time Kurti says yes.
He’s catching up – let’s hope he starts implementing the other previous agreements, too.
— Richard Grenell (@RichardGrenell) August 27, 2022
