Kryetari i PD, Lulzim Basha ka deklaruar në emisionin “Opinion” në TV Klan se në maj shmangu luftën civile. Basha i bëri këto deklarata, pasi u pyet nga gazetarët për raportet e tij me Kryeministrin veçanërisht për marrëveshjen e majit
“Unë në maj shmanga luftën civile! Ajo që bëra unë në maj, shmangu luftën civile. Siç bëra dy vjet më parë kur nuk kishte akoma ligj dekriminalizimi ku tërhoqa kandidatin tim, vetëm sepse kisha vendosur një standard. Rama nuk i tërhoqi dhe akoma e ka njërin sot kryetar bashkie, pavarësisht se SHBA i kërkoi t’i tërhiqte”, deklaroi Basha.
I pyetur “A do ketë dhunë në protestë”, Basha deklaroi se përgjigjja e vetme do jetë pjesëmarrja masive.
““Nuk dua të bëhem kryeministër përmes protestës. Nuk ia vlen të sakrifikohet asnjë një fije floku për Ramën. Protesta do jetë masive. Kjo është përgjigja më e mirë për Edi Ramën. Do të shpallim mospranimin e kësaj qeverie”, deklaroi Basha
javanews.al/a.ç
