Xhamaikani Marlon James fitoi çmimin “Man Booker” për romanin e tij “Një histori e shkurtër e shtatë vrasjeve”, i cili është i bazuar në tentativat për vrasje të Bob Marley.
Presidenti i Jurisë Michael Wood e përshkroi romanin e Xhejmsit “tejet emocionues” në mesin e librave që ishin përzgjedhur, raporton BBC. Romani, sipas fjalëve të tij, është plot me surpriza, dhe është gjithashtu një roman me temë “shumë të dhunshme” dhe “plot me thyerje”.
Roman në 680 faqet e tij është i frymëzuar nga tentave për vrasjen e muzikantit të reggae Bob Marley-së në vitet ‘70-të të shekullit të kaluar. Romani përfshin tre dekada dhe përshkruan botën e trazuar të bandave dhe politikës në Xhamajka. Wood tha se gjyqtarët e kanë dhënë njëzëri vendimin në më pak se dy orë.
Çmimi Booker, një çmim letrar prestigjioz jepet çdo vit për romanin më të mirë të botuar në anglisht. Këtë vit e mori James 44-vjeçar së bashku me 50.000 paund. Çmimi i tij u prezantua nga dukesha e Cornwall, Camilla.
