Legjendat e kinemasë, James Dean dhe Marlon Brando kishin disa elemente të përbashkëta. Përveç se ishin të adhuruar nga femrat e që të dy ishin aktorë që profesionin e mësuan nga i njëjti profesor, Lee Strasberg dhe ata i ka zbuluar po i njëjti regjisor, Elia Kazan. Mirëpo sipas një libri të ri James Dean dhe Marlon Brando, kishin një lidhje sekrete sadomazohiste të dominuar nga egoja dhe dëshira e parezistueshme për kontroll e Brandos, shkruan Daily Mail.
Brando i kërkonte Dean-it që ta shikonte tek ai bënte seks me të huaj të cilët sapo i ka njohur. Brando thuhet në Libër, kurrë nuk ia ka kthyer dashurinë Dean-it dhe e luante lojën “macja dhe miu” me të dashurin e tij më të ri, vetëm për kënaqësi seksuale. Shokët e tyre thonë se Dean ishte si një “këlysh qeni”, që do të rrinte jashtë apartamentit të Brando’s në një ditë të ftohtë – me shpresën se ai do ta ftonte që të bënin seks.
Në librin e titulluar “James Dean: Tomorrow Never Comes”, i autorëve Darwin Porter dhe Danforth Prince, kanë zbuluar gjëra interesante nga lidhja e tyre që ishte më komplekse se sa që mendohej. Të gjitha rrëfimet në libër, janë shkruar pas intervistave me miqtë e tyre dhe me njerëz të showbiz-it të viteve të 50-ta. Ishte Brando ai që e kontrollonte lidhjen dhe thuhet se ai fikte edhe cigaret në trupin e tij, por për Dean lidhja e tyre ishte më shumë se sa seksuale, ai e dashuronte Brandon dhe kishte thënë se s’mund të ndalej së menduari për të që kur e kishte takuar.
