Pas ardhjes në krye të Prokurorisë së Përgjitshme, Arta Marku ka nisur një proces për riorganizimin e organit të akuzës me qëllim çuarjen përpara të luftës ndaj korrupsionit në nivele të larta dhe grupeve të fuqishme kriminale.
Pas lëvizjeve në rangjet drejtuese në Prokurorinë e Përgjitshme dhe prokuroritë e rretheve, Marku ka ndërmarrë edhe veprime për ndëshkimin e shkeljeve të prokurorëve gjatë kryerjes së detyrës. Me ndryshimet e reja ligjore, kryeprokurores i jepet e drejta për procedime disiplinore të prokurorëve, për shkelje në punën e tyre.
Raportohet se është ngritur një grup pune për kryerjen e isnpektimeve në të gjitha prouroritë e vendit. Inspektimi ka për qëllim konstatimin e shkeljeve nga ana e prokurorëve gjatë punës.
Pas verifikimeve parashikohet marrja e masave konkrete. Përmes këtij ‘aksioni’ synohet vendosja e plotë në shina e organit të akuzës dhe orientimi i plotë drejt objektivave për procesin e integrimit, të vendosura si kusht nga BE./a.m.
