Marina dhe Getoari kanë publikuar shpesh foto nga destinacionet e ndryshme që kanë zgjedhur të kalojnë disa ditë pushime, përtej angazhimeve profesionale.
I pamë si fillim në Republikën Domenikane, më pas në Dubai, në Paris, në Romë. Tashmë radhën e ka një kryeqytet tjetër evropian. Çifti prej disa ditësh ka nisur një turne duke vizituar si fillim dy nga qytetet e Gjermanisë, Hamburg dhe Berlin, dhe më pas kryeqytetin e Çekisë, Pragën.
Ata ende nuk kanë postuar një foto ku të duken bashkë, por në profilet e tyre personale kanë shpërndarë për ndjekësit disa të tilla.
Gjithashtu në profilin e tij, reperi ka lajmëruar dhe për një koncert që do të mbajë ditën e sotme në Linz të Austrisë. Mesa duket Marina do e shoqërojë atë duke shijuar dhe nga afër performancën e grupit ku ai bën pjesë, Babastars.
