Gjashtë persona janë gjetur nga rojet bregdetare në një gomone në afërsi të Doverit në Britani.
Pas kërkimeve me helikopter, u arrit të diktohej mjeti lundrues në Kanalin e La Manshit dhe personat që udhëtonin me të arritën që të shpëtoheshin.
Agjencia Detare Britanike MCA ishte sinjalizuar për praninë e një varke të vogel pranë brigjeve të Kentit orët e para të mëngjesit të sotëm, raporton e përditshmja britanike “The Sun”, transmeton tch.
Menjëherë pas këtij njoftimi, në zonë u dërgua helikopteri dhe personat u nxorrën shëndoshë e mirë në tokë, ku do të përballen tani me pyetjet e oficerëve të forcës kufitare të Mbretërisë së Bashkuar./a.m.
