Margot Robbie mund të jetë njëra nga arsyet që qëndron prapa vendimit të Brad Pitt dhe Angelina Jolie për t’i dhënë fund martesës.
Bazuar në raportet e mediave, Brad tashmë një kohë e ka përcjellë aktoren e bukur australiane, para se të punonin së bashku në filmin “The Big Short” në vitin 2015.
“Brad tashmë disa vite ia ka vënë syrin Margotit. Ai kishte rrëmbyer rastin që t’i jap asaj rolin në filmin ‘The Big Short’, në mënyrë që të kaloj më shumë kohë me të”, ka deklaruar një burim, transmeton “Zeri.info”.
Robbie kishte një rol të vogël në këtë film, por kjo ka mjaftuar për ta bërë Angelinan shumë xheloze.
Dhe kjo e fundit kishte bërë çfarëdo që kishte mundur që ta parandaloj paraqitjen e biondes seksi në këtë film, por nuk ia kishte arritur ta bllokoj Bradin që të punoj me Margotin.
Brad ka ecur prapa shpinës së Angelina-s dhe ka shfrytëzuar lidhjet e tij të mira në Hollivud, për ta angazhuar Margotin edhe për pak kohë në këtë film, përcjell “Zeri.info”.
Mirëpo, një burim i afërt me aktoren australiane, ka mohuar se bukuroshja është shkaktare e ndarjes së çiftit, pasi mes saj dhe Robbie nuk ka pasur kurrfarë shkëndijash dashurie.
Magot nuk është femra e parë për të cilën dyshohet se ka qenë fajtore për ndarjen e çiftit të njohur, pasi edhe kolegia e Brad-it në filmin “Allied”, Marion Cotillard, është dashur të mohoj se ka pasur aferë dashurie me aktorin gjatë xhirimeve, përgatiti ”ZËRI”. (b.an)
