Real Madridi mund të jetë kampion i botës, por kjo nuk do të thotë se skuadra duhet ta fitojë çdo ndeshje, sipas mbrojtësit të majtë, Marcelos.
Duke folur pas humbjes turpëruese 0-3 ndaj Barcelonës, Marcelo ka sugjeruar se suksesi i kohëve të fundit i “Los Blancos”, i ka rritur pritjet në mënyrë jo realiste, transmeton Express. “Ju kemi llastuar dhe tani mendoni se duhet të fitojmë gjithmonë”, tha Marcelo, edhe pse nuk ishte qartë nëse ai po iu referohej tifozëve apo gazetarëve, apo të dy palëve.
“La Liga është liga më e mirë në botë dhe është vështirë të fitosh. Ky është sporti, nganjëherë fiton e nganjëherë humb. Është vështirë të luash kundër Barcelonës me 11 lojtarë, imagjinojeni me 10”, shtoi ai. (b.an)
