Ylli i Barcelonës, Leo Messi, është kritikuar nga legjenda e Argjentinës, Diego Maradona.
Bashkëvendësi i Messit ka thënë se pesë-herë fituesi i Topit të Artë ka mungesë karakteri për t’u bërë lider. Maradona u ftua në një diskutim me legjendën e Brazilit, Pelen, gjatë një ngjarje të enjten në Paris.
Ikona e Brazilit pyeti se çfarë mendon për personalitetin e Messit dhe Maradona dha një përgjigje të shkurtër, por kritikuese për Messin.
“Ai është person shumë i mirë, por nuk ka personalitet”, ka thënë Maradona, raporton “Goal”. “Atij i mungon karakteri i liderit”.
Shpeshherë Messi është akuzuar për mos-kontribut për kombëtaren e tij. 28-vjeçari ka humbur dy herë në finale të Copa Americas dhe një në finalen e Botërorit. (b.an)
