Në Maqedoni vazhdohet edhe më tej të shtyhet regjistrimi i popullatës. Ish kryeministri Nikolla Gruevski plotë 10 vite është duke taktizuar dhe nuk pranon që të organizohet regjistrim i popullatës në Maqedoni, shkruan Zhurnal.
Analistët në Maqedoni janë të mendimit se shtyrja e regjistrimit bëhet me qëllim që maqedonasit të mos dalin me shifra shokuese, andaj kanë vendosur që regjistrimi të mos mbahet pasi realisht statistikat flasin se nataliteti rritet tek shqiptarët, ndërsa zvogëlohet tek maqedonasit.
Statistikat zyrtare në Maqedoni flasin se mbi 30% e nxënësve fillorist janë të kombësis shqiptare, ndërsa regjistrimi i fundit që është mbajtur në Maqedoni ka dalë me një konstatim jo real se në Maqedoni jetojnë vetëm 25% shqiptar nga popullata e përgjithshme.
Ndërkohë ish-anëtarja e KSHZ-së, Tanja Alltanxhieva në një debat në Televizionin NOVA, e ka minimizuar organizimin e regjistrimit në Maqedoni. Ajo madje arsyetohet se regjistrimi i popullatës nuk ka asnjë lidhje direkte me listat zgjedhore.
Alltanxhieva thotë se regjistrimi realizohet për shkak të nevojave të të dhënave statistikore, andaj kërkoi që të bëhet një dallim mes shtetasve dhe banorëve rezident. (b.an)
